A Xunta de Galicia está a poñer en marcha unha iniciativa pioneira para coñecer e conectar as traxectorias, os fitos e as experiencias profesionais de mulleres inspiradoras que traballan en Galicia e cuxas voces precisan ter espazo e visibilidade.
Cada día na nosa comunidade celébranse congresos, fanse entrevistas, escríbense artigos especializados, organízanse mesas redondas de especialistas e, en definitiva, dáselles voz a persoas con moito que achegar sobre a súa experiencia profesional. Este proxecto busca impulsar e incrementar a presenza femenina nestes foros, fomentando así a igualdade.
Tanto se resides na cidade como se o fas no no rural, se te adicas á ciencia ou á cultura, se traballas nunha gran empresa ou no comercio local, se es empresaria ou autónoma: o único requisito imprescindible é contar cunha historia profesional de referencia.
Se cres que es unha delas, se te animas a poñer voz á túa experiencia e queres contribuír a que as publicacións e os foros públicos sexan máis igualitarios; se desexas que as empresas, institucións ou medios de comunicación se poidan poñer en contacto de forma directa contigo para achegarte a súa proposta… animámosche a estar presente nesta iniciativa!
Cobre aquí os teus datos e únete!
Moi pronto, máis información